سعر ومواصفات هاتف Samsung A15: اكتشف كل التفاصيل حول هاتف سامسونج A15

سعر هاتف سامسونج جلاكسي A15 4G

في مصر، يتوفر الهاتف بنسخة 128 جيجا مع 4 جيجا رام بسعر 7400 جنيه، ونسخة 128 جيجا مع 6 جيجا رام بسعر 8100 جنيه، ونسخة 256 جيجا مع 8 جيجا رام بسعر 9300 جنيه (نسخة صنع في مصر).

أما في السعودية، فالسعر للنسخة 128 جيجا مع 4 جيجا رام يبلغ 400 ريال، بينما النسخة 256 جيجا مع 8 جيجا رام بسعر 660 ريال. وفي الإمارات، تتوفر النسخة 128 جيجا مع 4 جيجا رام بسعر 400 درهم، والنسخة 128 جيجا مع 6 جيجا رام بسعر 450 درهم، بينما النسخة 256 جيجا مع 8 جيجا رام بسعر 600 درهم.

التصميم: شكل عصري وجودة تصنيع عالية

تصميم الـ Galaxy A15 بيجمع بين البساطة والمتانة، وده اللي بيخليه يبرز في فئته السعرية.

فيه لمسات بسيطة على التصميم زي "Key Island" اللي سامسونج أطلقت عليه، اللي بيجمع زرار الصوت وزر الباور في مكان واحد. زر الصوت بيكون بارز شويه، لكن زر الباور بيكون غاطس شويه، وده بيخلي زر الصوت أسهل في الاستخدام. والمميز هنا إن زر الباور كمان بيعمل كقارئ بصمات، ورغم إنه في البداية كان شوية صعب عليَّ استخدامه بشكل مريح، بعد فترة اتعودت عليه وبقى بيشتغل بشكل جيد.

أما بالنسبة للألوان، الـ A15 بيجي بألوان متنوعة، منها الأزرق والأسود أو الأزرق الفاتح، وأنا جربت النسخة الزرقاء السوداء. في المجمل، تصميم الهاتف عملي ومتوازن بين الأناقة والمتانة، رغم إنه مش بنفس الفخامة اللي هتلاقيها في هواتف سامسونج الأغلى.

الشاشة: شاشة واضحة مع تجربة مشاهدة ممتعة

الشاشة سوبر أموليد ممتازة، سواء في استخدام التطبيقات اليومية أو أثناء مشاهدة الفيديوهات. تردد 90 هرتز بيضيف سلاسة في التمرير والتفاعل مع الواجهة.

الشاشة هنا تعتبر من أقوى المزايا في الموبايل ده. بحجم 6.5 بوصة ودقة FHD+، الألوان واضحة والسطوع مناسب للاستخدام اليومي. الحواف كبيرة شوية، لكن ده مش عيب كبير مقارنة بسعر الموبايل.

الأداء: أداء جيد مع التطبيقات اليومية والألعاب الخفيفة

أما من حيث الأداء العام، فإن الهاتف مزود بمعالج Mediatek Helio G99، وهو نفس المعالج الموجود في الـ Galaxy A24 من العام الماضي. ورغم أنه لا يدعم شبكات 5G، إلا أن المعالج يقدم أداءً مرضيًا في المهام اليومية مثل التصفح والأعمال المكتبية، وإن كانت النتيجة في اختبارات الأداء لا تُبهر مقارنة بالأجهزة الأخرى.

الكاميرا: تصوير جيد في الإضاءة الجيدة ونتائج مقبولة

سامسونج جلاكسي A15 4G بيقدم كاميرا خلفية بدقة 50 ميجابكسل بتعطيك صور واضحة وألوان جيدة في الإضاءة المناسبة. بجانب الكاميرا الرئيسية فيه كاميرا إضافية بدقة 5 ميجابكسل لالتقاط الصور العريضة، وكاميرا 2 ميجابكسل للمساعدة في العزل وتفاصيل البورتريه. كاميرا السيلفي الأمامية بدقة 13 ميجابكسل بتسمح لك بالتقاط صور سيلفي ممتازة.

بالنسبة لتصوير الفيديو، الموبايل بيصور بدقة 1080p بمعدل 30 إطار في الثانية، وده يعتبر كويس مقارنة بسعره. في الإضاءة الكويسة، الكاميرا بتديك صور وفيديوهات ممتازة، لكن في الإضاءة الضعيفة ممكن تلاحظ شوية تشويش في الصورة، لكن في المجمل الكاميرا كويسة جدًا بالنسبة للفئة السعرية دي.

البطارية: شحن سريع وقدرة على التحمل طوال اليوم

بطارية سامسونج جلاكسي A15 4G بتتميز بسعة 5000 مللي أمبير، وده معناه إنك هتقدر تستخدم الموبايل بشكل مريح طوال اليوم من غير ما تشيل هم الشحن. في الاستخدام العادي، زي تصفح الإنترنت، التواصل على مواقع التواصل الاجتماعي، وتشغيل الفيديوهات، البطارية هتستمر معاك حوالي 14 ساعة و3 دقائق، وهو وقت جيد جدًا مقارنة بالمنافسين في نفس الفئة السعرية.

أما لو كنت بتلعب ألعاب ثقيلة أو بتستخدم الموبايل بشكل مكثف لفترات طويلة، هتلاحظ إن البطارية بتقل أسرع، لكن في المجمل هتظل قادرة على تلبية احتياجاتك اليومية.

فيما يخص الشحن، الموبايل بييجي مع شاحن بقوة 15 وات، وده مش الأسرع، لكن بيشحن البطارية بشكل معقول. ممكن البطارية تكتمل الشحن من 0% إلى 100% في حوالي ساعتين أو أكثر شوية. إجمالًا، البطارية ممتازة للمهام اليومية، وفي حال كنت مستخدم خفيف أو متوسط، هتقدر تعيش بيها طوال اليوم من غير مشاكل.

هل يستحق شراء سامسونج جلاكسي A15 4G؟

لو كنت بتدور على موبايل بمواصفات جيدة وسعر معقول، فـ سامسونج A15 هو خيار ممتاز. لكن لو كنت متعود على بعض المميزات العالية زي الصوت الاستيريو أو شاشة أفضل، ممكن تحتاج تشوف خيارات تانية. في النهاية، الموبايل ده موجه للفئة الاقتصادية وبيديك قيمة مقابل السعر. لو مش مهم ليك بعض العيوب البسيطة، فهو هيديك تجربة استخدام جيدة جدًا.